नवी दिल्‍ली : राष्ट्रपती भवनात गुरुवारी होणार्‍या भव्य शपथविधी सोहळयाआधी नवीन मंत्रिमंडळातील सदस्यांची नाव अंतिम करण्यासाठी पंतप्रधान नरेंद्र मोदी आणि भाजपा अध्यक्ष अमित शाह यांच्यामध्ये तब्बल पाच तास मॅरेथॉन चर्चा झाली. अमित शाह यांचा मंत्रिमंडळात समावेश केला जाईल अशी चर्चा आहे. पण भाजपाकडून अजून यासंबंधी काहीही स्पष्ट करण्यात आलेले नाही.
अमित शाह मंत्रिमंडळात गेल्यास पक्ष संघटना तितकीत मजूबत राहणार नाही असे भाजपाच्या वरिष्ठ नेत्यांचे मत आहे. शाह यांचे संघटनात्कम कौशल्य सर्वांना माहित आहे. पक्षातील तळागाळातील कार्यकर्त्यांना बांधून निवडणूक रणनिती आखण्यामध्ये शाह माहीर आहेत. अमित शाह यांना भाजपाचा चेहरामोहरा बदलून टाकण्याचे श्रेय जाते.
